2018-ci ildə “Sofiya” robotunun analoqu satışa çıxarılacaq
Dünya
|
14:39 • 28 Dekabr 2017
Gələn il "Hanson Robotics” şirkəti və Rusiya şirkətinin MDB
ölkələrindəki nümayəndəsi olan SIFBL şirkəti yeni layihənin işə
salınmasını planlaşdırır.
Bu layihə
uşağın öyrənməsi və inkişafını nəzərdə tutan Eynşteyn mini robotunun
hazırlanmasıdır. Layihə "SingularityNET” platformasının bazasında tərtib
ediləcək.
"Sofiya” robotu da adıçəkilən platformanın üzərində inşa edilib. "ICO
SingularityNET”-ya dəstək üçün "Sofiya”nın beynəlxalq promoturu cari
ilin payızında Moskvada başlayıb. Yeni layihəni istehsalçı sosial
adlandırıb və o, gələcək nəslin inkişafı və tədrisi üçün məhdudiyyətsiz
imkanlar yaradacaq.
2018-ci ildə Rusiya və MDB-dən olan uşaqlar şəxsi robota sahib
olacaqlar. Bu robot istənilən mövzuda ensiklopedik biliklərə sahib
olacaq. O, uşaqları məktəb tədrisinə bərabər olan səviyyədə müxtəlif
fənləri tədris edə biləcək./lent.az