Fələstin Qüdsün İsrailin paytaxtı kimi tanınması barədə ABŞ prezidenti Donald Trampın qərarını müharibə elanı hesab edir.
Bunu Fələstin Azadlıq Təşkilatının (FAT) İcraiyyə Komitəsinin üzvü Vassel Əbu-Yusif deyib.
"Sözsüz ki, vitse-prezident Maykl Pens də daxil olmaqla, ABŞ nümayəndə heyəti Fələstin ərazisində qəbul edilməyəcək. Bundan sonra ABŞ-la danışıqlar aparılmayacaq. ABŞ prezidenti Donald Trampın qərarını Fələstin xalqına və rəhbərliyə qarşı müharibə elanı hesab etmək olar”, - o bildirib.
Qeyd edək ki, ABŞ prezidenti dekabrın 6-da Qüdsü İsrailin paytaxtı kimi tanıyıb və Təl-Əvivdəki səfirliyin bu şəhərə köçürülməsi barədə tapşırıq verib./publika.az