Fransa Ermənistanda yeni fövqəladə və salahiyyətli səfir təyin edib.
Müvafiq fərman, sentyabrın 11-də Fransa prezidenti
Emanuel Makron tərəfindən imzalanıb. Yeni səfir Conatan Lakot bu
vəzifədə sabiq səfir Jan-Fransua Şarpantyeni əvəz edəcək.
Qeyd edək ki, sentyabrın 15-də, Conatan Lakotun 45 yaşı olacaq. O, 2014-cü ilin mart ayından etibarən Böyük Britaniyada Fransa səfirinin məsləhətçisi olub.
Daha öncə, Fransa Xarici İşlər Nazirliyində, Avropa
İşləri üzrə Katiblik Ofisində, Fransa, Almaniya, Monteneqro və keçmiş
Yuqoslaviya Respublikasında Fransanın diplomatik nümayəndəliklərində
çalışıb. İngilis, Alman, Rus, İspan, Estoniya, Macarıstan, Serb dilini bilir.