Əsrin sonunda planetin əhalisi nə qədər olacaq? BMT-dən PROQNOZ

30 il sonra planet sakinlərinin sayı 2 milyard artacaq və 9,7 milyarda çatacaq.

"RİA-Novosti” agentliyi xəbər verir ki, bu haqda BMT-nin məruzəsində deyilir.

Hindistan əhalinin sayına görə tezliklə Çini ötəcək.

"Bu gün Birləşmiş Millətlər Təşkilatının yeni məruzəsinə əsasən, hazırda 7,7 milyard olan dünya əhalisi 2050-ci ildə 9,7 milyarda qədər artacaq”, - sənəddə deyilir.

Yüzilliyin sonunda dünya əhalisi 11 milyarda çata bilər.

BMT-nin iqtisadi və sosial məsələlər üzrə departamentin əhali şöbəsi qeyd edir ki, dünya əhalisi ömrün uzunluğunun artması və doğum sayının azalmasına görə qocalır. Əhalisi azalan ölkələrin sayı artır.

Məruzədə qeyd edilir ki, 2050-ci ildə doqquz ölkə dünya əhalisinin yarısından çoxunu təşkil edəcək: Hindistan, Nigeriya, Pakistan, Konqo Demokratik Respublikası, Efiopiya, Tanzaniya, İndoneziya, Misir və ABŞ.

"Hindistan 2027-ci ildə proqnozlara görə, dünyada ən sıx məskunlaşmış ölkəsi olan Çin ötəcək”, - tədqiqatçılar qeyd edirlər.

Məhsuldarlığın qlobal əmsalı – bir qadına düşən doğuş 1990-cı ildə 3,2 olduğu halda 2019-cu ildə 2,5-ə qədər azalıb. Proqnozlara əsasən, 2050-ci ildə bu göstərici 2,2 olacaq./publika.az