Leysan və qasırğa nəticəsində dəymiş zərərə görə kimlərə pul ödəniləcək? VİDEO

Son günlər bölgələrdə baş verən təbiət hadisələri həm evlərə və avtomobil yollarına, həm də meyvəçilik, taxılçılıq və digər təsərrüfat sahələrinə ziyan vurub.

Xezerxeber.az-ın xəbərinə görə, İsmayıllı və Göyçaydan olan fermerlər deyirlər ki, min bir əziyyətlə əkib-becərdikləri təsərrüfatları yağış və dolu səbəbindən məhv olub.

Aqrar Sığorta Fondunun İdarə heyətinin sədri Fuad Sadıqov da “Xəbər Ertəsi”nə bildirib ki, qeyri sabit hava şəraiti aqrar sahəyə ciddi zərər vurub.

Belə ki Fond tərəfindən sığortalanan 4 yüz min hektar əkin sahəsinin 80 min hektarına tam və ya qismən ziyan dəyib.

İqtisadçı Eldəniz Əmirov isə deyir ki, qasırğa və selin fəsadları sığortalanmayan təsərrüfat sahələri üçün daha ağır olacaq. Bununla belə, iqtisadçı məhsuldarlığa dəyən zərərin gələcəkdə qiymət artımına səbəb ola biləcəyini düşünmür.

Qeyd edək ki, hazırda dəymiş zərərin hesablanması və fəsadların aradan qaldırılması istiqamətində işlər davam etdirilir.

Xezerxeber.az mövzu ilə bağlı daha ətraflı videomaterialı təqdim edir: