Kür çayının Salyan rayonu ərazisindən keçən hissəsində suyun səviyyəsi son 10 gündə bir neçə metr qalxıb. Bu da aylarla su sarıdan əziyyət çəkən sakinlərin sevincinə səbəb olub.
Bir -neçə ildir ki, Kür çayında suyun səviyyəsinin normadan aşağı düşməsi Neftçala və Salyan rayonlarında ciddi problemlərə səbəb olurdu. Bu problem ildən-ilə daha da kəskinləşir, dəniz suyu Salyana qədər irəliləyirdi. Nəticədə Kürdə kiçik adalar əmələ gəlir, nasoslar tam gücü ilə işləmirdi.
Son günlər isə havaların qeyri-sabit keçməsi, ölkə ərazisinə intensiv yağıbtıların düşməsi Kür çayına tökülən Göyçay, Türyançay və Girdmançay çaylarında suyun səviyyəsinin artmasına səbəb olub. Bu isə Kürdə suyun sululuq dərəcəsinə təsir göstərib. Son 10 gündə Kürün səviyyəsi bir neçə metr qalxıb.
Ekologiya və Təbii Sərvətlər Nazirliyinin Milli Hidrometerologiya departamentinin baş hidroloqu Asif Verdiyev bildirib ki, bu günlərdə müşahidə edilən intensiv yağıntılar əksər çayların sululuğunu artırıb. Kür çayı da onlardan biridir.
Asif Verdiyəv əlavə edib ki, o da bildirildi ki, Kür çayının Neftçaladan keçən hissəsində duzluluq normadan aşağı olub.