Bakı 19 ℃
Xəzər Xəbər
USD 1.7

Erməni hərbçilərin maketlərini hazırlayan şəxs ''Xəzər Xəbər''ə danışdı VİDEO

Veb TV | 377 | 21:32 • 13 Aprel 2021
Erməni hərbçilərin maketlərini hazırlayan şəxs ''Xəzər Xəbər''ə danışdı

Hər kəs onun hazırladığı erməni hərbçilərin obrazını canlandırdığı maketlərdən danışır. Prezident, Müzəffər Ali Baş Komandan İlham Əliyevin təşəbbüsü ilə yaradılmış Hərbi Qənimətlər Parkında sərgilənən bu maketlər bir çoxlarının marağına səbəb olub.  Heykəltəraş Rəşid Məhərrəmov ''Xəzər Xəbər''ə  hazırladığı bu maketlər haqqında danışıb.

Bir neçə ay əziyyət çəkdi, hətta elə maket oldu ki, onun üzərində 24 saat fasiləsiz çalışdı. Nəticə isə göz qabağındadır.

Son iki gündür bir çoxları onun hazırladığı maketlərdən danışır. Ötən gün açılışı olan Hərbi Qənimətlər Parkında sərgilənən Qarabağa zəfər yolunu açan xüsusi təyinatlı qüvvələrimizin, eləcə də Azərbaycan əsgəri qarşısında əzilən erməni zabit və əsgərlərin maketlərini heykəltəraş Rəşid Məhərrəmov hazırlayıb. O, hazırladığı bu maketlərlə bağlı ''Xəzər Xəbər''ə danışıb.

Onun sözlərinə görə, təklif gəldikdən sonra 3 aya yaxın bir müddətdə bu maketlərin üzərində çalışıb. Təxminən 30-a yaxın maketi hazırlamaq əziyyət tələb etsə də, bu işi görmək Rəşid Məhərrəmov üçün qürurverici olub.

Bu maketlərin hazırlanmasında müxtəlif dözümlü materiallardan istifadə olunub. Rəşid Məhərrəmov maketləri hazırlamazdan öncə ermənilərə xas olan obrazlar haqqında geniş məlumatlar əldə edib və maketləri də bu obrazlara uyğunlaşdırıb.

Rəşid Məhərrəmov sosial şəbəkələrdə erməni hərbçilərin maketlərinin hazırlanmasına etiraz edən bəzi istifadəçilərə də cavab verib. O bildirib ki, dünyanın əksər ölkələrində bu cür parklarda muzeylər salınır. Bu muzeylərdə məğlub ölkənin hərbçilərini vizual olaraq əks etdirən maketlər hazırlanır və bu maketlər heç də reallıqda əks olunan insanların obrazı ilə eyniləşmir. Buna görə də, maketlərin bəzilərində əks olunan obraz reallıqdakı erməni hərbçinin obrazı ilə üst-üstə düşməyə bilər. Qeyd edək ki, Rəşid Məhərrəmov budan öncə də Milli Qəhrəman Mübariz İbrahimovun heykəlini hazırlamışdı.

Rubrikanın digər xəbərləri

Çox oxunanlar

Bir həftə iş olmayacaq
521 | 17:16 • 19 Aprel 2021