Bakı metrosunda yeni qatarlar xəttə buraxılıb - VİDEO

İyunun əvvəlində Rusiyadan gətirilərək Bakı metropoliteninin vaqon parkına əlavə edilən daha 4 yeni qatardan ikisi artıq xətdədir. Yaxın günlərdə digər iki qatarda da sazlama, sınaq işləri başa çatacaq və onlar da xəttə buraxılacaq.

Xezerxeber.az-ın məlumatına görə, bunu "Bakı Metropoliteni" QSC-nin mətbuat katibi Bəxtiyar Məmmədov deyib. O bildirib ki, yeni vaqonlar Bakı metropoliteninin texniki tələblərinə uyğun istehsal olunub. Vaqonlarda daxili və xarici videomüşahidə sistemləri, qəza, sürüşmə, yanğın əleyhinə ən müasir sistemlər qurulub.

Bütün vaqonlarda sərnişinlərin rahatlığı üçün uşaq və əlil arabalarından istifadə edənlər üçün yerlər ayrılıb.

Bununla yanaşı vaqonların hər birində koronavirusla mübarizə üçün məlumatlandırıcı lövhələr quraşdırılıb. Lövhələrdə koronavirusdan qorunmaq üçün tövsiyələr əks edilib.

"Bakı Metropoliteni" QSC qarşıdakı iki il ərzində bu tipli daha 8 qatarın gətirilməsini planlaşdırır.

Xezerxeber.az mövzu ilə bağlı daha ətraflı videomaterialı təqdim edir: