Valideynlər məktəblərdə yer tapmır VİDEO

Yeni tədris ilinin başlamasına 6 ay qalmasına baxmayaraq əksər məktəblərdə indidən birinci sinifə qəbul yerləri dolub. Övladını elektron qeydiyyatdan keçirməyən valideynlər isə uşaqlarını məktəbə qoya bilmirlər. Rzayeva Adiyə də 117 saylı məktəbin hazırlıq kursunda oxuyur, amma birinci sinifə həmin məktəbdə gedə bilməyəcək. Buna səbəb isə məktəbdə birinci sinifə yerlərin dolmasıdır.

Məktəbəqədər hazırlıq kursunda oxuyan Adiyə Rzayev həmin təhsil müəssisəsində birinci sinifə başlaya bilməyəcək. Səbəb məktəbdə birinci sinflər üçün olan yerlərin dolmasıdır.

Böyükxanım Cabbarova onun kimi bir neçə valideynin eyni problemi yaşadığını deyir. Onlar evlərinə yaxın olan bu məktəbdə uşaqlarının oxumasını istəyirlər.

Bakı şəhər təhsil idarəsində deyirlər ki, məktəblərə qəbul ancaq elektron qaydada həyata keçirilir. Övladı həmin məktəbdə hazırlıq kursu keçənlər də, baxmayaraq ki, artıq həmin müəssisədə qeydiyyatdadılar, elektron qaydada sənədlərini rəsmləşdirməlidirlər.

Bakı Şəhər Təhsil İdarəsindən bildirdilər ki, əhalinin sıx olduğu yerlərdə məktəblərdə agird sıxlığı yaranıb. Bunu aradan qaldırmaq üçün şagird sayına uyğun əlavə siniflər də açıla bilər.

Baxmayaraq elektron qeydiyyat cəmi bir neçə həftədir başlayıb, 27 mindən çox şagird artıq bu prosesdən keçib. Bu isə o deməkdir ki, illik planın 60 faizi dolub.