Çinin CRRC dəmiryolu şirkətinin tədqiqat institutu Xunan əyalətində ilk relssiz elektrik qatarını xəttə buraxıb.
AZƏRTAC "Hi-tex-news” saytına istinadla bildirir ki, uzunluğu 30 metr olan qatar 3 vaqondan ibarətdir və 300 sərnişin daşıya bilir. Elektrik qatarı saatda 70 kilometr sürətlə 40 kilometr məsafə qət edir. Bu cür qatarlar üçün ilk xətt 2018-ci ildə Çjuçjou şəhərində istifadəyə veriləcək.