"Breşiya"dan göndərilməsinə qərar verilən Mario Balotelli karyerasını ABŞ-da davam etdirə bilər.
"Corriere della Sera" nəşri xəbər verir ki, MLS təmsilçisi "Los-Anceles Qalaksi" klubu 29 yaşlı hücumçunun agenti Mino Rayola ilə əlaqə saxlayıb. Əgər danışıqlar uğurlu alınsa, İtaliya millisinin üzvü okeanın o tayına köçəcək.
"Breşiya"nın prezidenti Massimo Çellino hücumçu ilə yolların ayrılacağını bəyan etmişdi. Balotelli bu mövsüm A Seriyasında 19 oyunda 5 qol vurub.