Səkkizqat Olimpiya çempionu karyerasını bitirdi

Atletika üzrə səkkizqat Olimpiya çempionu, məşhur sprinter Useyn Bolt futbolçu karyerasını bitirib.

Xezerxeber.az xəbər verir ki, Avstraliyanın A liqasında çıxış edən "Sentral Kost Mariners” klubu ilə yoxlama oyununda qollar vuran Bolt peşəkar müqavilə imzalamaq üçün yaxşı təkliflər almadığı üçün bu qərarı verdiyini bildirib.

Bolt 2017-ci ilin sonunda atletika karyerasını bitirib və futbolla məşğul olmaq istəyib. Yamaykalı idmançı "Pekin-2008”, "London-2012” və "Rio-2016”də 100 və 200 metrə məsafəyə qaçış yarışlarında Olimpiya çempionu olmuş yeganə idmançıdır. O, həmçinin 100 və 200 metr məsafəyə qaçışda dünya rekordçusudur.

Qeyd edək ki, 2018-ci ilin avqustundan Avstraliya klubu ilə məşqlərə çıxan Bolt maliyyə məsələsində komanda ilə razılaşmadığı üçün "Sentral Kost Mariners”lə yollarını ayırıb.