Xəzər Xəbər

Bakıda BİABIRÇILIQ: Kişi qadın iş yoldaşının başına görün nə oyun açdı: Sosial şəbəkədə...

Hadisə | 14:07 • 24 Oktyabr 2022
Bakıda BİABIRÇILIQ: Kişi qadın iş yoldaşının başına görün nə oyun açdı: Sosial şəbəkədə...

Bakıda iş yoldaşı olan xanımın adına çoxsaylı saxta profillər açan 35 yaşlı şəxs həbs edilib.

XəzərXəbər “Qafqazinfo”ya istinadən xəbər verir ki, paytaxtın Nərimanov rayonu ərazisində fəaliyyət göstərən özəl şirkətdə çalışan Rauf Səmədli (hər iki ad və soyad şərtidir) barəsində İnzibati Xətalar Məcəlləsinin 510-cu (Xırda xuliqanlıq) maddəsi ilə protokol açılıb. Belə ki, R.Səmədlinin iş yoldaşı Fərizə Qəribova polisə şikayət edərək bildirib ki, Rauf feysbukda onun adına bir neçə səhifə açıb, mobil nömrəsini və fotolarını paylaşaraq əxlaqsız qadın kimi təqdim edib. Bundan sonra polis əməkdaşları R.Səmədlini saxlayaraq barəsində protokol tərtib ediblər. Daha sonra o, protokolla birgə Nərimanov Rayon Məhkəməsinə göndərilib.

Hakim Gültəkin Əsədovanın sədrliyi ilə keçirilən iclasda F.Qəribova Raufun onu bezdirdiyini bildirib: “Əvvəllər tanıdığım və birlikdə işlədiyim şəxs mənim şəkillərimi və mobil nömrəmi sosial şəbəkələrdə müxtəlif saxta profillər açaraq istifadə edib, nalayiq ifadələrlə məni və ailəmi təhqir edib. Buna dair dəfələrlə xəbərdarlıq etməyimə baxmayaraq, icazəm olmadan şəkillərimi paylaşaraq əxlaqsız kimi təqdim edib. Hətta məni bir neçə dəfə vurub. Hazırda şikayətçiyəm”.

Rauf Səmədli isə Fərizəni sevdiyi üçün belə bir addım atdığını deyib: “Onu sevdiyim üçün qısqanırdım. Aramızdakı anlaşılmazlıq da bu səbəbdən olub. Etdiyim əməldən peşmanam”.

Məhkəmənin qərarı ilə R.Səmədliyə 10 sutka inzibati həbs cəzası verilib və o, müvəqqəti saxlanma məntəqəsinə göndərilib.