Bakıda kürəkən qayınatasını qətlə yetirib.
Hadisə Ramanı qəsəbəsi, "Şuşa şəhərciyi"ndə qeydə alınıb.
1987-ci il təvəllüdlü Taleh Heydərov özündən 9 yaş böyük olan qayınatası Qabil Qənbərovu bıçaq zərbələri ilə qətlə yetirib.
Taleh Heydərov hadisə yerindən qaçıb. Hazırda onun tutularaq istintaqa təhvil verilməsi istiqamətində əməliyyat-axtarış tədbirləri davam etdirilir.
Faktla bağlı Suraxanı Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.