Üzərində tapança gəzdirən şəxs saxlanılıb

Şirvan Şəhər Polis Şöbəsinin əməkdaşları tərəfindən qanunsuz saxlanılan odlu silah-sursatın aşkar edilməsi istiqamətində əməliyyat tədbiri keçirilib.

Daxili İşlər Nazirliyinin mətbuat xidmətinin Şirvan regional qrupundan xezerxeber.az-a verilən məlumata görə, qanunsuz olaraq silah saxlamaqda şübhəli bilinən şəhər sakini, əvvəllər dəfələrlə məhkum olunmuş Fərid Şirinov saxlanılıb. Onun üzərində axtarış aparılan zaman 1 ədəd “Makarov” tipli tapança aşkar olunaraq götürülüb.

Faktla bağlı şəxs barəsində Şirvan ŞPŞ-də araşdırmalar davam etdirilir.