Bakı 9 ℃
Xəzər Xəbər
USD 1.7

16 il həbs həyatı yaşamış “Barbos” bu dəfə silahla yaxalandı - FOTO

Hadisə | 369 | 11:26 • 22 Yanvar 2020
16 il həbs həyatı yaşamış “Barbos” bu dəfə silahla yaxalandı -

Daxili işlər orqanları tərəfindən silah və döyüş sursatları saxlayan şəxslərin ifşa olunaraq məsuliyyətə cəlb olunması istiqamətində uğurlu əməliyyat-axtarış tədbirləri davam etdirilir.


Daxili İşlər Nazirliyinin (DİN) Mətbuat xidmətinin Quba regional qrupundan xezerxeber.az-a verilən məlumata görə, Xızı rayon polis şöbəsinin əməkdaşları tərəfindən keçirilən uğurlu əməliyyat-axtarış tədbirləri nəticəsində rayon ərazisində qanunsuz olaraq silah saxlamaqda şübhəli bilinən Giləzi qəsəbə sakini, əvvəllər 16 il həbs həyatı yaşamış "Barbos” ləqəbli Mahir Kərimov saxlanılıb.


Polis əməkdaşları tərəfindən ona məxsus qəsəbə ərazisində yerləşən fərdi yaşayış evində keçirilmiş axtarış zamanı oradan bir ədəd "Revolver” tipli kustar üsulla hazırlanmış tapança, 4 ədəd patron və bir ədəd kabura aşkar edilərək götürülüb.


Faktla bağlı Xızı RPŞ-də cinayət işi açılıb, istintaq hərəkətləri davam etdirilir. Həmin silahın hər hansı bir cinayət hadisəsində istifadə edilib-edilməməsi araşdırılır.

Çox oxunanlar

Qubadlının Yuxarı Mollu kəndi video
1,013 | 11:28 • 24 Mart 2021