Qızı qaçırılan ailə oğlan evinə hücum etdi

Masallı rayonunun Alışanlı kəndində evə hücum olub.

Kənd sakini Xalıq Məmməd oğlu Həsənovun evinə 4 nəfər məqsədli şəkildə zor gücünə daxil olaraq ailə üzvlərini döyüblər.

Zərərçəkənlərin ONA-ya verdiyi məlumata görə, hücum edən şəxslər onlara qarşı bıçaq və şüşə ilə xəsarətlər yetirib və evi dağıdıblar.

İlkin məlumata görə, hadisəyə Həsənovların oğlunun hücum edən tərəfin qızını qaçırması səbəb olub.

Hücuma məruz qalan tərəf hadisə ilə bağlı hüquq-mühafizə orqanlarına müraciət edib.(ona.az)