Axtarışda olan İsmayıllı sakini saxlanılıb

Azərbaycan Respublikası Cinayət Məcəlləsinin 177.2.1-ci (oğurluq - qabaqcadan əlbir olan bir qrup şəxs tərəfindən törədildikdə) və 177.2.2-ci (təkrar törədildikdə) maddələri ilə axtarılan İsmayıllı rayon sakini Elçin Məmmədov fevralın 23-də Qəbələ Rayon Polis Şöbəsinin əməkdaşları tərəfindən keçirilmiş əməliyyat-axtarış tədbirləri nəticəsində Bakı şəhəri ərazisində saxlanılıb.

Daxili İşlər Nazirliyinin mətbuat xidmətinin Şəki regional qrupundan xezerxeber.az-a bildiriblər ki, şaxlanılan şəxs Qəbələ Rayon Polis Şöbəsinə gətirilib və istintaq bölməsinə təhvil verilib.

Faktla bağlı araşdırma aparılır.