Oğru bacıların məhkəməsi başlayır

Hadisə Ramana qəsəbəsində qeydə alınıb

Sabunçu rayon məhkəməsində kişinin cibindən oğurluq edən iki bacının məhkəməsi başlayır.

Cinayət Məcəlləsinin 177.2.1-ci maddəsi ilə təqsirləndirilən Süleymanova Gülüstan Füzuli qızı və bacısı Könülün məhkəmə prosesi fevral ayının 11-də hakim Mirheydər Zeynalovun sədrliyi ilə keçiriləcək.

Xatırladaq ki, Sabunçu RPİ 12-ci PŞ əməkdaşlarının keçirdikləri əməliyyat-axtarış tədbirləri nəticəsində ötən ilin oktyabrın 6-da Ramana qəsəbəsi ərazisində Bakı şəhər sakini, yetkinlik yaşına çatmayan Qorxmaz Hümbətovun cibindən 3450 manat oğurlamaqda şübhəli bilinən paytaxt sakinləri Gülüstan və Könül Süleymanova bacıları saxlanılıblar.

Cinayət işində Qorxmaz Hümbətovun atası Azər tanınıb./AzNews.az