Məktəblər yüksəksürətli internetə qoşulacaq: 4 milyon manat ayrıldı

Elm və Təhsil Nazirliyi Təhsil Sisteminin İnformasiyalaşdırılması İdarəsi tərəfindən 27 iyul 2022-ci il tarixdə elan edilmiş Ümumtəhsil məktəblərinin yüksəksürətli internet şəbəkəsinə çıxışının təmin olunması, o cümlədən pandemiya dövründə şagirdlərin təhsilə cəlb olunmasını təmin etmək məqsədilə distant təhsilin təşkili ilə əlaqədar məktəblərin fiber optik kabellə internetə qoşulması işlərinin satınalınması üzrə təkliflər sorğusu proseduru başa çatıb.

XəzərXəbər xəbər verir ki, satınalmanın qalibi "BTH" MMC müəyyən olunub.

Həmin təşkilatla 2022-ci il sentyabrın 23-də 3 mln 994 min 417 manat dəyərində satınalma müqaviləsi bağlanıb.