Nazirdən rayonlarda həkim çatışmazlığı ilə bağlı AÇIQLAMA

“Rayonlarda həkim, eləcə də digər tibb işçilərinin çatışmazlığı ilə bağlı problemin həlli üçün tədbirlər görülür”.

XəzərXəbər xəbər verir ki, bu sözləri səhiyyə naziri Teymur Musayev bu gün jurnalistlərə açıqlaması zamanı deyib.

O bildirib ki, Səhiyyə Nazirliyi İcbari Tibbi Sığorta üzrə Dövlət Agentliyi ilə birlikdə proqram hazırlayır:

“Həmin proqram çərçivəsində müəyyən mexanizmlər işlənərək, təkliflər irəli sürüləcək. Nəinki gənc, hətta peşəkar, kifayət qədər təcrübəsi olan həkimlərimiz əhaliyə xidmət göstərmək üçün regionlara üz tutacaq”.