İrəvanda Qara dəniz İqtisadi Əməkdaşlıq Təşkilatının (QİƏT) Xarici İşlər Nazirləri Şurasının 38-ci iclası keçirilir.
Xarici işlər Nazirlərinin görüşündə QİƏT-ə üzv
dövlətlərin hamısından nümayəndələr qatılıb. Lakin bir neçə ölkəni
xarici işlər naziri yox, onların müavinləri təmsil edirlər.
İrəvandakı iclasa qatılan Azərbaycan nümayəndə heyətinə isə xarici
işlər nazirinin müavini Mahmud Məmmədquliyev rəhbərlik edir.
Toplantı
çərçivəsində rotasiya qaydalarına uyğun olaraq, QİƏT-də sədrlik
Azərbaycan Respublikasına keçəcək və nazir müavini Mahmud Məmmədquliyev
sədrliyi qəbul edəcək.