2017/2018-ci tədris ili üçün Azərbaycan Milli Elmlər Akademiyasının magistraturasına boş qalan plan yerlərinə qəbul olmuş bakalavrlar AMEA-da qeydiyyatdan keçməlidirlər.
Bu barədə XəzərXəbər-ə Akademiyadan məlumat verilib.
Qeydiyyat üçün aşağıdakı sənədlər tələb olunur:
- şəxsiyyət vəsiqəsinin əsli və surəti;
- bakalavr diplomunun əsli və surəti (cari ilin məzunları üçün
bakalavr kursunu tam başa vurması haqqında ali təhsil
müəssisəsindən arayış);
- 4 ədəd fotoşəkil (3×4 sm).
Magistraturaya qəbul olmuş bakalavrların qeydiyyatı 2017-ci il avqustun 17-dən 25-dək (şənbə və bazar günləri istisna olmaqla) saat 10:00-dan 17:00-dək AMEA Rəyasət Heyəti aparatının Elm və Təhsil İdarəsinin Magistratura şöbəsində aparılacaq.
Qeydiyyatdan keçməyən bakalavrlar qəbul olunanların siyahısından xaric ediləcəklər.
Əlaqə nömrəsi: (+994 12) 539 20 35
Ünvan: Bakı şəh., Hüseyn Cavid pr., 115, I mərtəbə, otaq 150
