Bakı 33 ℃
Xəzər Xəbər
USD 1.7

Qarabağda sülhməramlılara qarşı təxribat xarakterli hərəkətlər olmayıb - Rusiya Müdafiə Nazirliyi

Dünya | 192 | 10:28 • 15 May 2021
Qarabağda sülhməramlılara qarşı təxribat xarakterli hərəkətlər olmayıb - Rusiya Müdafiə Nazirliyi

Qarabağda sülhməramlılara qarşı təxribat xarakterli hərəkətlər olmayıb.

Bu barədə Rusiya Müdafiə Nazirliyinin yaydığı məlumatda deyilir.

Qeyd edilir ki, Rusiya sülhməramlı kontingenti Azərbaycan və Ermənistan tərəflərinin demarkasiya xəttində atəşkəs rejiminə riayət olunmasını və nəqliyyatın təhlükəsizliyini, Laçın dəhlizi boyunca ərzaq və müxtəlif malların daşınmasını təmin etməyə davam edir: "Ötən həftə ərzində sülhməramlı kontingentin məsuliyyət daşıdığı zonada atəşkəs pozuntusu qeydə alınmayıb. Rusiya hərbçilərinə qarşı təxribat xarakterli hərəkətlər edilməyib".

Bildirilir ki, Rusiya sülhməramlı kontingentinin müşahidə məntəqələrinin heyəti müntəzəm olaraq döyüş hazırlığı fəaliyyətləri, pozuntuların və müşahidə məntəqələrinə mümkün hücumların qarşısını almaq üçün təlimlər həyata keçirir.

Xəbər lenti

Sabah 39 dərəcə isti olacaq
23 | 13:17 • 16 İyun 2021

Çox oxunanlar