Rusiya səfirliyinin 18 kəşfiyyatçısına 48 saat vaxt verildi

Çexiya yerli xüsusi xidmət orqanlarının iddiasına görə Rusiya Federasiyası səfirliyinin həmin ölkənin kəşfiyyat zabiti olan 18 əməkdaşını ərazisindən çıxarır.

Bu barədə ölkənin Baş nazirinin birinci müavini və daxili işlər naziri, həmçinin xarici işlər nazirinin vəzifələrini müvəqqəti icra edən Yan Qamaçek bildirib.

Onun sözlərinə görə, həmin şəxslər Rusiya kəşfiyyatının zabitləridir.

“Rusiya səfirliyinin 18 əməkdaşı 48 saat ərzində Çexiyanı tərk etməlidir”, - o deyib./publika.az