Yaponiyada Sindake vulkanı püskürüb

Fevralın 3-də səhər saatlarında Yaponiyanın Kuçinoerabu adasında yerləşən Sindake vulkanı püskürüb.

Xezerxeber.az xəbər verir ki, bu barədə Yaponiya Meteorologiya Agentliyi məlumat yayıb. Bildirilir ki, vulkan 7 kilometr hündürlüyə kül və tüstü püskürüb. Püskürmə nəticəsində iri daşların 600 metr radiusa səpələndiyi qeyd edilir.

Agentlik təkrar püskürmə ilə əlaqədar vulkanın mərkəzi hissəsinə 2 kilometrdən çox yaxınlaşmanın təhlükəli olduğu barədə xəbərdarlıq yayıb.

Xatırladaq ki, Sindake vulkanı son dəfə cari il yanvarın əvvəllərində püskürmüşdü.