İstanbulda taksi sürücüləri Trampa etiraz etdilər FOTOLAR

İstanbulda taksi sürücüləri ABŞ-ın Qüdsü İsrailin paytaxtı kimi tanınmasına etiraz ediblər.

XəzərXəbər Türkiyə mətbuatına istinadən xəbər verir ki, sürücülər Türkiyə bayraqlarını maşınlardan asaraq, Trampa etirazlarını bildiriblər.



Sürücülər ABŞ-ın İstanbuldakı Baş konsulluğunun qarşısında toplaşıblar. Etirazçılar "Qatil İsrail”, "Fələstindən əlini çəkin”, "Tramp çaşma, səbr kasamızı doldurma” deyə plakatlar tutublar.



Etiraz zamanı taksi sürücülərinin müraciəti oxunub. Məlumatda dünyanın bir sıra şəhərlərində istifadə edilən Amerikaya məxsus "Uber” taksi xidmətindən vətəndaşların istifadə etməmələri tövsiyyə edilib. Həmçinin insanların ABŞ və İsrail mənşəli bütün məhsulları boykot etmələri bildirilib.