Las-Veqasda 59 nəfəri öldürən, 200-dən çox insanı
yaralayan Stefan Paddok haqda yeni detallar ortaya çıxıb.
Türkiyəli yazar Taha Dağlı
qətliamla bağlı maraqlı araşdırma aparıb.
Stefanın İŞİD-lə bağlantısı olduğu iddia edilsə də, sonradan bu,
təkzib edildi. ABŞ mediası və polisi israrla bu şəxsin psixoloji
problemlərinin olduğunu deyir. 64 yaşında olan və bu yaşa qədər heç
bir cinayət törətməyən, hətta yol qaydalarını belə pozmayan
Stefanın belə bir qətliam törətməsinin sirri nədir?
Diqqət çəkən detallar: Qətliam Las-Veqasda baş
verdi. Bu şəhər əyləncə və qumarın mərkəzidir. Burada milyardlarla
pul dövr edir. Əgər hadisədə məqsəd nəyəsə mesaj verməkdirsə, bu,
kimə verilir nədən ibarətdir?
Son dövrlər ABŞ-da polis qaradərili insanlara təzyiq edir. 2011-ci
ildə Louis şəhərində bir qaradərilini öldürən polislər ötən ay həbs
olundu. Məhkəmənin qərarından sonra qaradərililər etiraz aksiyaları
keçirtdilər. ABŞ-da iki qasırğa baş verdi, hər ikisində də evlər,
mağazalar talan edildi. Talan edənlərin qaradərili olduğu iddia
ediləndən sonra irqçilər küçələrə çıxaraq etiraz aksiyası
keçirtdilər.
Bu dəqiqdir ki, ABŞ-da dərin dövtlə Tramp arasında müharibə gedir.
Maraqlıdır ki, Las-Veqas qətliamını törədən Stefan Trampa qarşı
aksiyalarda aktiv iştirakçı olub. Ola bilərmi ki, bu qətliamla
etirazların bağlantısı olsun?! O da maraqlıdır ki, Stefanın
anti-Tramp aksiyalarında iştirakını sübut edən videolar ortaya
çıxanda ABŞ mediası buna yer vermədi. Halbuki, bu, çox ciddi
detaldır. Əslində ABŞ mediasının bu videolara yer verməməsi
Las-Veqas qətliamında şübhələrə yol açır./publika.az