Maaş gələnə qədər kimdən borc almaq olar? ARAŞDIRMA

Rusiya vətəndaşlarının üçdə birindən çoxu maaş almadan əvvəl maliyyə çətinlikləri yaşadıqlarını, onların 57 faizini kredit kartı ilə həll etdiklərini və hər üçdə biri dost və tanışlarından borc götürdüyünü etiraf edib.

"RİA Novosti" xəbər verir ki, bununla bağlı "Post Bank" araşdırma aparıb.

Bankın Rusiyalıların ödəniş etmək üçün maddi çətinliklər mövzusunda keçirdiyi sosial media sorğusunda respondentlərin 34%-i müntəzəm ödənişlər üçün kifayət qədər pullarının olmadığını, 40%-i bəzən belə çətinliklərlə üzləşdiyini, 26%-i isə heç vaxt belə bir problemlə qarşılaşmadıqlarını deyiblər.

Əmək haqqını almadan əvvəl pula ehtiyacı olanların 38%-i 5 min rubla qədər, digər 31%-i 5 min rubldan 10 min rubla qədər, 21%-i 10 min rubla ehtiyac olduğunu söyləyib. Digər 10% cavab verib ki, onlara 20 min rubldan çox lazımdır.

"Maliyyə çətinliyi ilə üzləşənlərin təxminən 57%-nin kredit kartı var və mütəmadi olaraq maaş almadan əvvəl maliyyə problemlərini həll edir. Digər 32% isə dost və tanışlarından borc götürməyə üstünlük verir", - tədqiqatın müəllifləri qeyd ediblər.

Sorğu iştirakçılarının 8%-i mikromaliyyə təşkilatlarına pul üçün müraciət edir. Respondentlərin yalnız 3%-i belə hallarda istehlak krediti götürməyə hazırdır.

Tədqiqatda ümumilikdə ölkənin müxtəlif regionlarından 17-55 yaş arası 2 mindən çox insan iştirak edib./publika.az