Xəzər Xəbər

Qaz sayğaclarında YENİLİK: Qaz pulunu ...

Cəmiyyət | 13:37 • 26 Noyabr 2021
Qaz sayğaclarında YENİLİK: Qaz pulunu ...

Gələn ildən “Azəriqaz” İstehsal Birliyinin təsdiq etdiyi smart-kart tipli sayğacları onlayn sayğaclar olacaq.

XəzərXəbər xəbər verir ki, bunu Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin Baş direktoru Ruslan Əliyev bu gün keçirilən “Açıq qapı” aksiyasında jurnalistlərin suallarını cavablandırarkən bildirib.

Onun sözlərinə görə, hazırda bunun üzərində iş gedir: “Onlayn sayğaclar hesabına abonentlər sosial şəbəkə üzərindən ödənişi yükləyə biləcəklər”.

R. Əliyev bildirib ki, bundan da başqa, istehsalatda olan köhnə smart-kart tipli sayğacları “card reader” ilə əlaqələndirilicək: “Bu “card reader”ləri “ASAN Xidmət” Mərkəzlərində və yaxud texnologiyalar satılan mağazalardan əldə etmək mümkün olacaq. Bu “card reader”in proqram təminatını “Azəriqaz” təmin edəcək. Bu proqramı da abonent istənilən mobil telefona və ya kompyüterə yükləyərək həm özünün, qonşunun və istənilən yaxının qaz kartına ödənişini yükləməklə həyata keçirə bilərlər”./report

Çox oxunanlar