“Tələbə qəbulu üzrə statistikaya diqqət yetirsək görərik ki, texnoloji ixtisaslar üzrə tələbə qəbulu ötən dövrlərə nisbətən 75 faiz artıb”.
Xezerxeber.az-ın məlumatına görə, bunu təhsil naziirnin müavini İdris İsayev “Nizami Gəncəvi İli"nə həsr olunmuş “Post COVID -19 və 4-cü sənaye inqilabı perspektivlərində təhsilin dizaynı” mövzusunda beynəlxalq konfransda deyib.
Onun sözlərinə görə, bəzi ixtisaslar, xüsusən dövlət sifarişli üzrə tələbə qəbulu dəfələrlə artıb: “Məsələn, İKT ixtisaslarında bunu qeyd edə bilərik. Kompüter elmləri üzrə 1.9 dəfə, kompüter mühəndisliyi üzrə 2.4 dəfə, informasiya texnologiyaları üzrə 2.6 dəfə, informaisya təhlükəsizliyi ixtisası üzrə 3.9 dəfə tələbə qəbulu artıb”.