Xəzər Xəbər

İndiyədək 1000-ə yaxın şəxsə əks göstəriş sertifikatı verilib

Cəmiyyət | 16:00 • 14 Sentyabr 2021
İndiyədək 1000-ə yaxın şəxsə əks göstəriş sertifikatı verilib

Azərbaycanda yeni növ koronavirus (COVID-19) infeksiyası əleyhinə istifadə edilən peyvəndlərə qarşı əks-göstəriş sertifikatı almaq üçün müraciət edən təxminən 1000 nəfər vətəndaşın müraciətinə müsbət cavab verilib. Həmin vətəndaşlar əks-göstəriş sertifikatı alıblar.

Xezerxeber.az xəbər verir ki, bu barədə Bakı Şəhər Baş Səhiyyə İdarəsinin Stasionar xidmətin təşkili sektorunun müdiri Aytən Sultanova deyib.

O, COVID-19 əleyhinə istifadə edilən peyvəndlərə qarşı əks-göstəriş sertifikatının daha çox hansı xəstəliklər zamanı verildiyini açıqlayıb: “Əks-göstəriş sertifikatları daha çox idarəolunmayan epilepsiya, kəskin koronar sindrom, allergik və onkoloji xəstəliklər, eləcə də qan-damar sisteminin ağır xəstəlikləri, xroniki qaraciyər və böyrək xəstəlikləri, həmçinin hamiləlik və südverməyə görə verilib".

Xatırladaq ki, Azərbaycanda əks-göstəriş sertifikatının verilməsinə avqustun 9-da başlanılıb.

Xəbər lenti