İşğaldan azad olunan ərazilər su ehtiyatları baxımından çox zəngindir. İşğal dövründə həmin ərazilərin ətraf mühitinə, su ehtiyatlarına Ermənistan tərəfindən ciddi ziyan vurulub. Ermənistan ərazisindən keçən dörd çay var: Araz, Oxçuçay, Bərgüşadçay, Bəsitçay. Onlar daha çox ağır metallarla çirkləndiriliblər və bu proses davam edir. Ən çox çirkləndirilən Oxçuçaydır. Onun hövzəsində "Qacaran" və "Qafan" müəssisələri yerləşir. Çayın biomüxtəlifliyi tam məhvolma ərəfəsindədir.
Xezerxeber.az xəbər verir ki, bunu ekologiya və təbii sərvətlər nazirinin müavini Vüqar Kərimov mətbuat konfransında deyib.
"Çaylarda çirklənmə səviyyəsini öyrənmək üçün monitorinqlər aparılıb. Monitorinqlərə beynəlxalq təşkilatlar da cəlb olunub", - deyə V.Kərimov qeyd edib.