Bakı 18 ℃
Xəzər Xəbər
USD 1.7

Sabah milli parklara giriş pulsuz olacaq

Ölkəmizdə 10 milli park, 10 dövlət təbiət qoruğu və 24 dövlət təbiət yasaqlığı fəaliyyət göstərir.
Cəmiyyət | 195 | 14:53 • 2 Mart 2021
Sabah milli parklara giriş pulsuz olacaq

"Ümumdünya Vəhşi Təbiət Günü" ilə əlaqədar martın 3-də Azərbaycanın milli parklarında "açıq qapı" günü keçiriləcək və ziyarətçilər milli parklara giriş haqqından azad ediləcək.

Ekologiya və Təbii Sərvətlər Nazirliyindən XəzərXəbər-ə verilən məlumata görə, 2013-cü ildən başlayaraq martın 3-ü bütün dünyada "Ümumdünya Vəhşi Təbiət Günü" kimi qeyd edilir. Bu günün keçirilməsində məqsəd cəmiyyətin diqqətini vəhşi fauna və yabanı floranın mühafizəsinə cəlb etmək, ictimaiyyəti vəhşi təbiətə qayğı göstərməyə səsləmək və bu sahədə maarifləndirməkdir.

Hər il müxtəlif adlar altında qeyd olunan "Ümumdünya Vəhşi Təbiət Günü" bu il "Meşələr və həyat: dayanıqlı cəmiyyət və planet" başlığı altında keçirilir.

Ölkəmizdə 10 milli park, 10 dövlət təbiət qoruğu və 24 dövlət təbiət yasaqlığı fəaliyyət göstərir. Vəhşi təbiətin oyanışını, baharın ilk əlamətlərini, göz oxşayan dəyişikliklərini müşahidə etmək, torpaqda baş qaldıran yeni cücərtilərin özünəməxsus tünd qoxusunu duymaq, füsünkar gözəlliklərdən həzz almaq istəyirsinizsə milli parklarımıza səyahət edin!

Milli parklarımız Abşeron yarımadasında, ölkənin şimal, cənub və qərb hissəsində yerləşir.

 

Çox oxunanlar

Bu gün hava necə olacaq?
93 | 09:06 • 20 Aprel 2021
Bir həftə iş olmayacaq
304 | 17:16 • 19 Aprel 2021
Qubadlının Yuxarı Mollu kəndi video
1,043 | 11:28 • 24 Mart 2021