Pensiya üçün yaş həddi artırılır

Bu il iyulun 1-də Azərbaycanda qadınların pensiya yaş həddi yenidən artırılacaq.

Xezerxeber.az-ın məlumatına görə, bunu Əmək və Əhalinin Sosial Müdafiəsi Nazirliyinin Pensiya siyasəti və fərdi uçota nəzarət şöbəsinin müdiri Elnur Abbasov deyib.

Onun sözlərinə görə, 2017-ci ildən yaş həddinin mərhələli şəkildə artırılması həyata keçirilir. Artıq kişilər üçün pensiya yaşı 65-dir və bu proses tamamlanıb: "Qadınların isə pensiya yaşı 62-dir və bu hədd hər il 6 ay artırılır. Bu proses də 65 yaşa çatdıqda tamamlanacaq”.