Türkiyə dünyada ən böyük PUA ixracatçısıdır

Bu ilin sonuna kimi “Bayraktar TB3” pilotsuz uçuş aparatlarının kütləvi istehsalına başlayacağıq. Türkiyə olaraq özümüzün silahlı pilotsuz uçuş aparatını (PUA) və pilotsuz döyüş təyyarəsini inkişaf etdirəcəyik.

Xezerxeber.az xəbər verir ki, bu fikirləri Türkiyənin "Baykar" şirkətinin baş icraçı direktoru Haluk Bayraktar “Haber TÜRK” telekanalının efirində səsləndirib.

"Baykar" şirkətinin keçdiyi inkişaf yolu, qarşılaşdıqları maneələr, perspektivdə olan strateji layihələr barədə geniş məlumat verən Baş direktoru Haluk Bayraktar bildirib ki, hazırda təmsil etdiyi şirkət dünyada ən böyük PUA ixracatçısıdır.

Haluk Bayraktar deyib: “Dünyada bizdən çox ölkəyə bu ölçüdə PUA verən başqa bir şirkət yoxdur”.