Binəqədi və Xəzər rayonlarında evlərdə baş verən yanğın söndürülüb

Bakının Binəqədi rayonunda ümumi sahəsi 100 kvadratmetr olan birmərtəbəli üçotaqlı evin konstruksiyaları 60, dam örtüyü 100 kvadratmetr sahədə yanıb.

Fövqəladə Hallar Nazirliyinin Mətbuat xidmətindən xezerxeber.az-a bildiriblər ki, Xəzər rayonunda ümumi sahəsi 85 kvadratmetr olan kürsülü, birmərtəbəli üçotaqlı evin mətbəxində yanğın baş verib. Yüksək temperaturdan mətbəxin lambirindən ibarət tavanı 15 kvadratmetr sahədə əriyib.

Daha bir yanğın hadisəsi Zaqatala rayonunun Lahıc kəndində baş verib. Ümumi sahəsi 120 kvadratmetr olan kürsülü, birmərtəbəli dördotaqlı evin konstruksiyaları və ev əşyaları yanıb.

Hər üç hadisə zamanı alov yanğından mühafizə bölmələri tərəfindən söndürülüb.