Uşaqlarını görməyə gələn kişi qaynatasını 5 yerindən bıçaqladı Qubadakı qətlin təfərrüatı

Məhkəmənin baxış iclası avqustun 20-nə təyin edilib.

Qeyd edək ki, hadisə ötən il dekabrın 8-dən 9-na keçən gecə Qubanın İkinci Nügədi kəndində baş verib. Küsüb atası evinə gedən həyat yoldaşının yanına - uşaqlarını görməyə gedən kənd sakini olan 39 yaşlı M.Balayev qaynatası Heybət Heybətovla mübahisə edib və ona qol, çiyin və qarın nahiyəsindən 5 bıçaq endirib.

Dərhal Quba Rayon Mərkəzi Xəstəxanasına çatdırılan 57 yaşlı qaynata H.Heybətov xəstəxanada ölüb.

Məlumata görə, M.Balayevin həyat yoldaşı hadisədən 3-4 ay əvvəl atası evinə qayıdıb. İki azyaşlı uşağını görməyə gələn kürəkənin qaynata ilə sözü çəp gəlib.

Polis əməkdaşları M.Balayevi şübhəli şəxs kimi saxlayaraq istintaqa təhvil verib.