Gəncədə həyat yoldaşını və qayınatasını qətlə yetirən şəxs tutulub. XəzərXəbər-in
məlumatına görə, cinayəti törədən 1990-cı il təvəllüdlü Məsim Məmmədov
hüquq-mühafizə orqanlarının keçirdiyi əməliyyat-axtarış tədbirləri
nəticəsində Daşkəsəndə saxlanılaraq istintaqa təhvil verilib.
Qeyd
edək ki, 28 yaşlı M. Məmmədov 62 yaşlı qayınatası Əkbərov Namiq Rəcəb
oğlunu və 1991-ci il təvəllüdlü həyat yoldaşı Əkbərova İlahə Namiq
qızını odlu silahdan atəş açaraq qətlə yetirib. Hadisə zamanı onun
qayınanası Əkbərova Arzu Zəfər qızı xəsarət alıb.
Qanlı olay şəhərin Bağmanlar küçəsində qeydə alınıb. İlkin məlumata görə, M.Məmmədovla İ.Əkbərova boşanma ərəfəsində olublar.