Misirdə 4400 illik tapıntı - VİDEO

Misirdə heykəllər və heroqliflərlə bəzədilmiş 4400 illik məzar aşkarlanıb.

"Qafqazinfo” "Sky”a istinadən xəbər verir ki, məzar paytaxt Qahirənin cənubundakı Sakkara bölgəsində yerləşir.

Antik Əsərlər Ali Qurumunun baş katibi Mustafa Vəziri bildirib ki, qazıntı sahəsi genişləndiriləcək. Bu sayədə daha çox maddi sübutların tapılması gözlənilir.

10 metr uzunluğu, 3 metr eni və 3 metr hündürlüyü olan məzarın firon Neferirkara Kakainin hökmdarlığı dövrünə aid olduğu ehtimal edilir.