Biz bir-birimizin qədrini bilirik - Neslihan Atagül

Aktrisa Neslihan Atagül şəxsi həyatı ilə bağlı açıqlama verib.

XəzərXəbər axşam.az-a istinadən bildirir ki, bir neçə gün əvvəl Amerikanın televiziya proqramlarından birinə müsahibə verən aktrisa, indi də "L'officiel" jurnalının üz qabığı üçün obyektiv qarşısına keçib.

Jurnala müsahibə də verən Neslihan Kadir Doğulu ilə yaşadığı evlilik həyatından danışıb:

"Qəbul etdiyim qərarlar məni daha da inkişaf etdirir. Həyatımda təəssüflənəcəyim, heç bir hal baş verməyib. Atdığım hər addımın və qəbul etdiyim hər bir qərarın həyatımda böyük əhəmiyyəti var.

Evliliyimdə sevgi ilə dostluğu birlikdə yaşayıram. Məncə hər ikisi xoşbəxtlik üçün çox vacibdir. Biz bir-birimizin qədrini bilirik. Bəzən danışaraq, bəzən danışmadan anlaşırıq".