Baş Dövlət Yol Polisi İdarəsi və Zaqatala Rayon Polis Şöbəsi əməkdaşlarının daxil olmuş məlumat əsasında birgə keçirdikləri əməliyyat tədbiri nəticəsində iyunun 28-də saat 1 radələrində Yevlax-Zaqatala yolunda yerləşən Yol Patrul Xidməti Alayının postunda Balakən rayon sakini C.Əbəciyevin idarə etdiyi "VAZ-2106” markalı avtomobil nəzarət qaydasında saxlanılıb. Sürücü və sərnişini - Gəncə şəhər sakini R.Məmmədov Zaqatala Rayon Polis Şöbəsinə gətiriliblər.
Daxili İşlər Nazirliyinin mətbuat xidmətindən xezerxeber.az-a bildiriblər ki, onların üzərində axtarış aparılan zaman R.Məmmədovdan 3,5 kiloqram marixuana aşkar edilərək götürülüb.
Faktla bağlı araşdırma aparılır.