Yol təmiri zamanı dinozavr yumurtaları tapıldı

Çində yol təmiri zamanı dinozavr yumurtaları tapılıb.

Quanqdonq əyalətində aparılan qazıntı işləri zamanı 43 yumurta aşkarlanıb. Mütəxəssislər yumurtaların hansı cinsə aid olmasını araşdırmaq üçün analizlər aparacaqlar. Tapıntıların 89 milyon il əvvələ aid olduğu bildirilir.

Qeyd edək ki, əyalətin paytaxtı Heyuanda bu tip hadisələrə tez-tez rast gəlmək mümkündür. Buna görə şəhərin adı hətta Ginessin Rekordlar Kitabına da daxil edilib.

Maraq üçün onu da bildirək ki, indiyədək sözügedən ərazidə 17 min dinozavr yumurtası tapılıb.