Xəzər Xəbər

Bakıda 5 marşrut xətti müsabiqəyə çıxarıldı

İqtisadiyyat | 11:28 • 22 Sentyabr 2022
Bakıda 5 marşrut xətti müsabiqəyə çıxarıldı

Bakıda fəaliyyət göstərən daha 5 müntəzəm marşrut xətti ilə bağlı müsabiqə elan edilib.

Bakı Nəqliyyat Agentliyindən xezerxeber.az-a verilən məlumata görə, daxil olan vətəndaş müraciətləri əsasında fəaliyyəti təhlil edilən və sərnişindaşımaların icrasında çatışmazlıqların olduğu aşkarlanan daha beş müntəzəm marşrut xətti ilə bağlı müsabiqə elan olunur. Müsabiqəyə çıxarılan 37, 55, 93, 101 və 113 nömrəli müntəzəm marşrut xətləridir.

Müsabiqə Azərbaycan Respublikası Nazirlər Kabinetinin 2009-cu il 3 aprel tarixli 52 nömrəli qərarı ilə təsdiq edilmiş “Avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıların cəlb olunmasına dair müsabiqənin keçirilməsi qaydasına” uyğun keçiriləcəkdir. Müsabiqədə iştirak etmək istəyənlər Bakı Nəqliyyat Agentliyinə müraciət edə bilər.

Xəbər lenti

Çox oxunanlar