Xəzər Xəbər

Mobil telefonlar və texniki avadanlıqlarla bağlı şikayətlər artıb FOTO

İqtisadiyyat | 14:03 • 12 Oktyabr 2021
Mobil telefonlar və texniki avadanlıqlarla bağlı şikayətlər artıb

Məişət texnikası, mobil telefonlar və elektrik avadanlıqların satışını həyata keçirən ticarət şəbəkələrinin nümayəndələri ilə görüş keçirilib.

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətindən xezerxeber.az-a verilən məlumatda bildirilir ki, təhlillər nəticəsində 2021-ci ilin doqquz ayı ərzində məişət texnikası, mobil telefonlar və elektrik avadanlıqların qüsurlu olması, dəyişdirilməsi və geri qaytarılma qaydalarının pozulması ilə əlaqədar istehlakçılar tərəfindən Xidmətə daxil olan müraciətlərin sayı ötən ilin eyni dövrü ilə müqayisədə xeyli artıb. 

Bu məsələlərin müzakirəsi məqsədilə Dövlət Xidmətində elektrik məişət avadanlıqlarının satışı ilə məşğul olan iri bazar iştirakçıları ilə görüş keçirilib.

Tədbirdə Dövlət Xidmətinə daxil olan müraciətlərin böyük hissəsinin mağazalar şəbəkələri tərəfindən məhsulların zəmanət şərtləri, istismar qaydaları, istehlak xüsusiyyətləri barədə istehlakçılara ətraflı və düzgün məlumatların verilməməsi, qüsurlu məhsulun texniki müayinəsi prosesi zamanı baş verən pozuntular, adekvat əvəzedici məhsulun təqdim edilməməsi və s. ilə bağlı olduğu bildirilib, onların aradan qaldırılması, müştəri məmnunluğunun təmin edilməsi tədbirləri müzakirə edilib.

Xəbər lenti

Çox oxunanlar