Mayda ölkəyə gətirilən avtomobillərin sayı açıqlanıb

Cari ilin mayında Azərbaycana idxal olunan avtomobillərin sayı 7366 ədəd, dəyəri isə 73 milyon 563 min ABŞ dolları olub.

Dövlət Gömrük Komitəsindən xezerxeber.az-a verilən məlumata görə, keçən ay ölkəyə gətirilən avtomobillərin 7-si sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitəsi, 6892-si əsasən adamların daşınması üçün nəzərdə tutulmuş minik avtomobili və digər motorlu nəqliyyat vasitəsi, 466-sı yük daşımaq üçün, 1-i isə xüsusi təyinatlı motorlu nəqliyyat vasitəsidir.