Cisco şirkətinin kibertəhlükəsizlik üzrə ekspertləri Android üçün yeni oğru virusu aşkar ediblər.
Onlar bu barədə təşkilatın bloqunda məlumat yayıblar.
Mütəxəssislər bu təhlükəli proqramı GPlayed adlandırıblar. Cinayətkarlar onun dizaynının surətini Google Play-in rəsmi tətbiqlərindən köçürüblər. Yükləmədən sonra gadjetin ekranında Google Play Marketplace imzalı ikonlar peyda olur.
Administratorun müəllif hüquqlarını ələ keçirən bu proqram kibercinayətkarlara cihazları uzaqdan idarə etməyə imkan yaradır. Onlar özbaşına qadjetin fəaliyyətinə mane ola, yaxud ondan zəng etmək və məlumat göndərmək üçün istifadə edə bilirlər. Cihazın yaddaşında qorunan informasiyalarla yanaşı, ödənişlərlə bağlı məlumatları da əldə edirlər. Bu yolla onlar Android sahiblərinin bütün informasiyalarına, eləcə də on-line bank-maliyyə əməliyyatlarına belə müdaxilə edə bilirlər.
Mütəxəssislərin məlumatına görə, cinayətkarlar hazırda öz yeni kəşflərini fəal surətdə sınaqdan keçirirlər. Gələcəkdə bu, Android qurğular üçün ciddi təhlükəyə çevrilə bilər.
Daha əvvəl isə belə bir məlumat yayılmışdı ki, Rusiyanın haker qruplaşması olan The Lucy Gang Android qurğular üçün botnet hazırlayıblar. Təhlükəli virus aldatma yolu ilə cihazın administratorunun hüquqlarını əldə edir. Beləliklə, kibercinayətkar qadjet üzərində nəzarəti ələ keçirmiş olurlar./Sputnik Azərbaycan
