Xəzər Xəbər

“Qarabağ” klubu reytinqdə irəliləyib

İdman | 12:16 • 18 Yanvar 2023
“Qarabağ” klubu reytinqdə irəliləyib

Beynəlxalq Futbol Tarixi və Statistikaları Federasiyası (IFFHS) klubların yeni reytinq cədvəlini açıqlayıb.

Xezerxeber.az xəbər verir ki, 500-dən artıq komandanın yer aldığı siyahıda Azərbaycan 3 klubla təmsil olunub.

Hesabında 139 xal olan Ağdamın “Qarabağ” klubu 7 pillə irəliləyərək 78-ci olub. Ağdam təmsilçisinin UEFA Konfrans Liqasının pley-off mərhələsindəki rəqibi Belçikanın “Gent” klubu 114 xalla 109-cü pillədə qərarlaşıb.

“Neftçi” və “Zirə”nin də reytinqdə irəliləyiş müşahidə olunub. “Neftçi” 66,5 xalla 290-cı, “Zirə” isə 50,2 xalla 478-ci yerə yüksəliblər.

Reytinq cədvəlinə 299 xalla Braziliyanın “Flamenqo” komandası başçılıq edir. “Palmeyras” (Braziliya) 284 xalla ikinci, İngiltərənin “Liverpul” komandası 273 xalla ilk üçlüyü tamamlayıblar.

Xəbər lenti

Rusiyanın əhalisi azalıb
17:14 • 1 Fevral 2023