Hazard superkubok qarşılaşmalarında iştirak etməyəcək

"Real"ın futbolçusu Eden Hazard İspaniya superkuboku qarşılaşmalarında iştirak etməyəcək.

Buna səbəb yarımmüdafiəçinin zədəsinin bərpa prosesinin gec getməsidir. Onun superkubok oyunlarına kimi zədəsini sağaldacağı gözlənilirdi. Lakin futbolçunun ən tez yanvar ayının sonunda yaşıl meydanlara qayıdacağı bildirilir.

Qeyd edək ki, İspaniya superkuboku 8-12 yanvar tarixlərində Səudiyyə Ərəbistanında keçiriləcək. Hazard Çempionlar Liqasının qrup mərhələsində PSJ ilə matçda (2:2) zədələnmişdi.