“Real” “Beşiktaş”a möhtac qaldı: “Pepeni geri verin”

İspaniya La Liqasında gərgin mövsüm yaşayan və lider "Barselona”dan 8 xal geridə olan "Real Madrid” müdafiəçi Rafael Varaneyin zədələnməsindən sonra hərəkətə keçib.

İspanlar Türkiyə çempionu "Beşiktaş”a transfer edilən Pepeni geri qaytarmaq üçün cəhdlər etməyə başlayıb.

Bu il Çempionlar Liqasındakı oyunlarda möhtəşəm performans sərgiləyən futbolçunun meneceri Xorxe Mendes isə Pepenin "Real”a qayıtmaq istəməyəcəyini, yeni komandasında xoşbəxt olduğunu bildirib. O, Pepenin hədəfinin Dünya Çempionatına getmək olduğunu və hələ ki, transfer haqqında düşünmədiyini deyib.

Portuqaliyalı ulduzun "Beşiktaş”a transfer edildiyi zaman da ağ-qaraların nümayəndəliyini edən Ahmet Bulut da baş verən prosesi doğrulayıb.